Qlobal Ödəniş Texnologiyaları Şirkətində LOGO ERP Tətbiqi

NBA Technologies International MMC — 2006-cı ildən etibarən Azərbaycan və MDB regionunda fəaliyyət göstərən, POS terminal, ATM və ödəniş texnologiyaları sahəsində ixtisaslaşmış şirkətdir. Şirkət “PAX”, “Verifone” və “GRGBanking” kimi beynəlxalq brendlərin rəsmi tərəfdaşı olaraq bank, retail və xidmət sektorları üçün müasir həllər təqdim edir. NBA Technologies International MMC-də LOGO ERP sistemi uğurla tətbiq olunmuş, HR və əmək haqqı modulları Azərbaycan qanunvericiliyinə uyğun şəkildə qurulmuşdur. Layihə çərçivəsində vergi, bank sistemləri və daxili platformalar daxil olmaqla 15-dən çox inteqrasiya həyata keçirilmiş, maliyyə, əməliyyat və idarəetmə prosesləri vahid ERP platformasında avtomatlaşdırılmışdır.