AZGRANATA MMC-də LOGO ERP və İstehsal Avtomatlaşdırılması Layihəsi

AZGRANATA MMC — 2011-ci ildən fəaliyyət göstərən və Cənubi Qafqazın ən böyük alkoqollu və alkoqolsuz içki istehsalçılarından biri olan şirkətdir. Ağsu rayonunda yerləşən və 14 hektar ərazini əhatə edən zavod beynəlxalq standartlara cavab verən müasir avadanlıqlarla təchiz olunmuşdur. Şirkət təbii meyvə şirələri, konsentratlar, kompotlar, limonadlar, şərab və araq məhsulları istehsal edir. Zavodun meyvə qəbulu, emal, Tetra Pak və şüşə dolum, qablaşdırma və kompot istehsalı bölmələri fəaliyyət göstərir.

Şirkətdə LOGO ERP sistemi uğurla tətbiq olunmuş, istehsal, anbar, maliyyə və satış prosesləri tam avtomatlaşdırılmışdır. Layihə çərçivəsində beynəlxalq standartlara uyğun hesabat və idarəetmə strukturları qurulmuş, əməliyyat və maliyyə göstəricilərinin vahid ERP platforması üzərindən real vaxt rejimində idarə olunması təmin edilmişdir.